ORANJESTAD (AAN): Pension Fund Tourism Sector Aruba, PFTSA, ta marcando tres decada di exitosamente brindando plan di retiro na trahadonan den sector di hospitalidad di Aruba, como un organizacion non-profit.
Durante e tempo aki, consistentemente nan meta tabata pa bira e destinacion number uno pa trahadonan y dunadonan di trabao por ehecuta nan plan di retiro.
Conhuntamente cu sector local di hospitalidad, PFTSA ta un fondo creciente, tanto den cantidad di miembro como den cantidad di producto y servicio cu ta worde ofreci, cu rekesitonan regulatorio cu ta sigui aumenta, mirando cu PFTSA ta cay bao supervision di Banco Central di Aruba.
E fondo originalmente a worde crea riba 27 di Maart 1992 pa Harold Malmberg, De Palm Tours, Anselmo Pontilius, e tempo ey na cabes di FTA y awor mediador di Gobierno, y Rory Arends, CEO anterior di Aruba Hotel y Tourism Association, awor retira.
Pontilius ta bisa cu e idea a nace na un reunion general di congreso, ora cu e forum a discuti pension di Gobierno, cual tabata chikito, anto a permanece minimo. E forum a bay di acuerdo cu si empleadonan yuda nan mes por medio di spaar, nan lo sufri pa falta di recurso na un edad mas grandi.
E idea pa un pension fund a bira un realidad den colaboracion cu AHATA, anto e tempo ey De Palm Tours tabata un di e prome companianan pa join. Nan a comparti e mesun vision di e necesidad pa crea un plan cu lo provee trahadonan den industria di turismo cu entrada adicional despues di retiro, riba e pension general cu bo ta haya di Gobierno.
E fondo a embarca riba nan mesun mision pa convence empleadonan pa spaar un poco mas, un concepto cu hende jong ta haya duro pa accepta, cual ta bira un life-saver ora cu bo yega na un edad mas grandi.
Despues riba 1 di Januari 2012, e isla su ley di pension a bin den efeto, cual a enforsa savings pa edad halto cu e participacion di empleado y dunado di trabao, trahando hunto pa stabilidad ora yega na momento di retiro.
Tin varios otro beneficio cu por disfruta di dje ora di registra cu PFTSA fuera di un pension sigura. PFTSA ta provee hipoteca riba Fixed-Rate na su miembronan, prestamonan cu tin interes fiho pa henter e termino di e prestamo. Hipotecanan por worde pidi pa compra di un lot cu ta traha caba, expansion of renobacion di un cas, apartament, of pa cubri un hipoteca existente, tur bao un pago conveniente y atractivo.
PFTSA su miembronan di board ta inclui varios persona cu ta hunga rol grandi den industria di turismo incluyendo Finanzas, Recursonan Humano, Lider den Negoshi & Labor, bao guia di presidente actual di e board, sr. Glenn Farro y Marion Agunbero como Director Ehecutivo. PFTSA tambe ta continua na invita mas compania local importante pa join e 178 miembronan activo, participando hunto cu 12,000 miembronan pa un miho futuro.
PFTSA ta orguyoso di por show-off un balance sheet hopi positivo den cuadro cu su entrada [net income], entrada di inversion, assets y membresia, cual ta sigui crece anualmente.
Pa loke ta desaroyonan den futuro, comunidad di Aruba por spera aumento den cantidad di hipoteca cu lo worde aproba y financia pa PFTSA, tambe mehoramento di acceso online y crecemento continuo den membresia.
