ORANJESTAD (AAN) Señor Paul Eelens, Director di Cybersecurity Center of Excellence, den entrevista cu Matutino DIARIO,
a señala cu e telefon celular, sea ta Android of IOS, ta e mesun tipo di sistema di operacion. Eigenlijk e telefon ta un computer, un server chikito cu ta conecta riba internet.
“E diferencia ta cu hopi biaha e no ta riba e network di e compania mes, comosifuera otro workstation nan ta; por ta si, via Wi-Fi. Pero awendia, nos e-mails, nos datonan, etc., ta riba telefon. Mi lo bisa, e ta parti di loke nos ta yama attach-service, e ta parti di e Ecosystem cu ta procesa e informacion. Djis, e impacto, laga nos bisa, si un telefon ta haya Ransomware no ta dje serio. Pero si un sistema di banco wordo contagia cu Ransomware, e ora ey tur e clientenan ta bay sinti’e pasobra e organizacion mes ta bay plat. Pero un telefon ta impacta un usuario, mientras tanto cu un server of un infrastructura IT of of un Cloud infrastructure, ta impacta full e organizacion y esaki ta impacta otro organizacion”, Eelens a splica.
El a agrega cu su compania ta ofrece como un servicio cu ta yama MDR (Managed Detection Response), cu ta e next generation antivirus. “Pasobra antivirus ta traha manera un deteccion di vingerprint, pero e hackernan no ta un vingerprint mas, e ta keda cambia y cambia, dus nos tin cu detecta e comportacion (behavior) riba sistemanan cu ta habri; kico ta pasa, kico ta wordo instala, kico ta cambia, cu ken e ta comunica y si esey ta normal”, Paul Eelens a subraya.
El a reitera cu nan tin e servicio MDR unda nan ta pone “next generation antivirus agent”, riba e computernan y eseynan ta wordo monitorea no djis pa detecta pero tambe pa responde riba nan atakenan, cu nan por isola cosnan, por isola mashinnan, anto e generacion por sigui draai manera nada a pasa.
El a subraya cu e no ta bay riba IT of cyber security, sino riba resiliencia, y mester di e conocemento su tras pa por haci e tipo di trabao aki. “Nos tin mas cu 20 certificacion unico pa locual ta cyber security, y bo tin un team avanza di experto su tras, cu por deal cu e situacionnan aki”, Paul Eelens a señala.
El añadi cu e kier ta cauteloso riba locual e ta mira riba social media, ora cu algo asina sosode, tur hende ta bira experto, tur ta bay duna training, tur ta trece concientizacion, pero bay un tiki mas profundo si bo ta un organizacion of ta encarga cu un organizacion importante, wak bon e background di e tipo di experticia cu ta wordo duna pa proteha e organizacion.
