THE BOTTOM: Despues di a participa den varios programa y workshop pa prepara nan pa e bida di studiante na Hulanda,
nan a viaha recien pa Tera Frieu pa sigui cu nan estudio. Ta trata aki di studiantenan di e isla di Saba.
E sosten y guia duna na nan, a wordo ofreci door di TuranGoeloe, cu ta bay sigui duna mentorship na e studiantenan den colaboracion cu Gobierno di Saba pa asina sigui sostene nan awor cu nan ta ahustando nan mes na e ambiente nobo y e bida academico.
E compania TuranGoeloe ta duna workshop y curso tambe pa alumnonan di isla di St. Eustatius y tambe Bonaire cu ta bay Hulanda pa studia.
