Pasion pa Violin a nace na Porta pa Harmonia

Kirsten Henriquez:

ORANJESTAD (AAN): E dama Kirsten Henriquez, sigur ta un ehempel di con pasion y dedicacion por florece ora talento haya oportunidad. Su trayecto musical a cuminsa na Porta pa Harmonia, caminda el a descubri su amor pa violin.

   Inspiracion ta hopi biaha nace for di cas. Den caso di Kirsten, su influencia principal a bin for di su welo, un tocado di violin. “Semper mi a desea hereda e talento di mi welo,” Kirsten a comparti, cu orguyo y emocion.

   P’e, e violin no ta simplemente un instrumento. El a describi cu: “Amor ta manera un violin. E musica por stop de bes en cuando, pero e cuerdanan ta keda pa semper.” Segun Kirsten, e violin ta un instrumento romantico y clasico cu ta permiti hende expresa emocion profundo.

   Su experiencia na Porta pa Harmonia a confirma cu muziek ta pa tur persona. Edad no ta un barera; lo importante ta e deseo di siña y crece. “Un instrumento no ta mira bo edad. Si bo tin gana, bo ta bonbini,” el a expresa.

   Porta pa Harmonia ta sigui sirbi como un espacio caminda talento hoben por desaroya, inspirando un generacion nobo di musico cu ta bira ehempel di perseverancia y amor pa arte.