Paseo Herencia ta gradici comunidad di Aruba pa nan donacion na Venezuela

ORANJESTAD (AAN):  Paseo Herencia kier a expresa un gradicimento grandi na e pueblo di Aruba pa e generosidad y

sosten enorme cu a wordo duna durante e dos simanan aki. Danki na tur, nos a logra colecta y manda e ultimo donacionnan pa esnan cu tin mester na Venezuela.

Mirando cu e ultimo cargo a sali diaranson, kier a informa cu Paseo Herencia no ta operando mas manera un punto di coleccion pa donacion.

Nan ta sumamente agradecido na tur cu a contribui, sea pa medio di donacion of sosten laboral. Boso amabilidad y boluntad pa yuda a haci un diferencia significante, y ta orguyoso di tabata parti di e esfuerso comunitario aki.

Na nomber di henter e ekipo di Paseo Herencia, danki pa boso generosidad, compasion y sosten.