Paseo Herencia a inaugura e temporada di Fin di Aña 2021

ORANJESTAD (AAN) – Isaira Orman-Maya, PR y Marketing Manager di Paseo Herencia, a splica den un entrevista cu DIARIO,

tocante e inauguracion di e temporada di Fin di Aña, na Paseo Herencia, cu a tuma lugar Diasabra ultimo, cu cendemento di kerstboomnan y entretenimento di Angela Flores. Santa tambe a bin pasa un rato agradable cu tur e famianan cu tabata den Paseo Herencia.

Orman-Maya a menciona cu durante henter e luna lo tin diferente actividad y promocionnan pa e temporada. Tambe den e fin di siman cu ta bin, ta bay cuminza cu e campaña di “double points” pa cada compra den nan tiendanan y bayendo cinema.  Riba potret por observa diferente imagen di e inauguracion di e temporada di Pasco y Fin di Aña 2021, na Paseo Herencia.