ORANJESTAD (AAN): Un informe difundi pa e organisacion The Caribbean Public Health Agency (CARPHA), "Diabetes ta causa morto y discapacidad.
E complicacionnan di diabetes por provoca atake di curaso, stroke (atake cerebral), ceguera, insuficiencia renal y amputacion di miembronan inferior.
E malesa aki por afecta negativamente e calidad como tambe e duracion di e bida. E deteccion di diabetes lo mester forma parti di e controlnan sanitario di rutina", asina a declara Dr. Joy St. John, Directora Ehecutivo di CARPHA, den cuadro di Dia Mundial di Diabetes 2021.
Diabetes ta un di e malesanan no transmisibel mas comun (NCD's). Segun e Atlas di Diabetes IDF, Norteamerica y Caribe ta ocupa e di cuater na mundo cu un prevalencia comparativo di diabetes ahusta pa edad den adultonan di 20 te na 79 aña di 11,1%.
E prevalencia proyecta pa 2030 y 2045 ta di 12,3% y di 13,0% respectivamente. Na 2019, e pais di America cu e mayor mortalidad standariza pa edad (excluyendo e enfermedad renal cronico) debido na diabetes tabata Guyana, cu 82,6 morto pa cada 100.000 habitante. Varios pais di Caribe tabata den e prome diesnan y ta inclui na e di tres lugar Trinidad & Tobago, na e di 4 Haiti cu 69,6 y 68,2 pa 100.000, respectivamente. (OPS 2019)
E pandemia di COVID-19 a interumpi e servicionan di prevencion y tratamento di e NCD's, afectando e esfuerzonan mundial pa controla diabetes. E personanan cu ta biba cu diabetes tin un mayor riesgo di desaroya sintomanan grave di COVID-19 y nan ta den esnan mas afecta pa e pandemia.
Diabetes tipo 2 ta e forma mas comun di e enfermedad y por wordo preveni. Su efectonan por wordo evita of retrasa cu dieta, actividad fisico, medicacion, deteccion y tratamento periodico di e complicacionnan. E normanan cultural cu ta aleha e personanan di e estilonan di bida saludablel den Caribe ta un factor importante. Ta importante pa e personanan antepone nan salud na nan preferencianan personal.
Si tin e risico di padece di diabetes tipo 2, e cambionan den e estilo di bida por yuda preveni e aparicion di e malesa aki. Esaki ta inclui:
- Evita consumo di tabaco.
- Sigui un dieta saludabel cu ta inclui alomenos 5 porcion di fruta y berdura pa dia y reduci e consumo di vet y sucu.
- Mantene fisicamente activo: alomenos 30 minuut di actividad fisico regular di intensidad modera mayoria di e dianan di e siman (pa adultonan); y 60 minuut di actividad fisico di modera na vigoroso tur dia (pa muchanan).
- Mantene un peso corporal normal.
Cu e tratamento y e cuido adecua, e personanan cu diabetes por hiba un bida sano.
Esnan cu ya caba ta afecta, e bon noticia ta cu tin control y por preveni e complicacionnan di diabetes tumando e medicacion segun docter ta indica y realisando examennan y tratamentonan regular pa detecta complicacionnan.
Ademas di practica un estilo di bida saludabel.
