Minister Rocco Tjon:
ORANJESTAD (AAN) – Den conferencia di prensa Dialuna mainta, Minister Rocco Tjon, titular di Asunto Social y Husticia, a haci anuncio di e siguiente curso hopi interesante, cu Partido MEP ta ofreciendo na comunidad. Ta trata aki e Curso di Liderazgo di e Teoria di John Maxwell.
“Esaki seguramente ta un di e cursonan hopi importante pa bo siña con pa lidera bo mes. Con pa lider na bo cas, na bo trabao, y mi ta kere, tambe na un manera efectivo. Esaki lo bay yuda bo, duna bo skills, tools, con abo por bira un lider miho ainda, teniendo cuenta cu e habilidadnan cu abo tin como persona”, e mandatario a subraya.
Minister Tjon a pidi e interesadonan pa inscribi mas pronto posible riba facebook di MEP. Tin costo envolvi pa e curso. E cursonan lo cuminza dia 9 di October, cu un duracion di nuebe curso, parti den tres siman, tres anochi pa siman. Orario ta di 7 or pa 9 or di anochi y lo tuma lugar na e sede di MEP.
