ORANJESTAD (AAN): Dutch Caribbean Nature Alliance (DCNA) ta invita hoben di 12 pa 14 aña di edad cu ta biba na Aruba, Bonaire, Curaçao, Saba, Sint Maarten y St. Eustatius pa participa na e di tres entrega di ‘Big Live Nature Quiz’!
E ta gratis, online, bibo, interactivo y e quiz ta contene pregunta tocante bestia y mata menaza den Caribe Hulandes. E quiz divertido aki ta na Ingles, pero cu subtitulo na Hulandes, Papiamentu y Papiamento.
Varios scol na e islanan ta participa. Tuma contacto cu DCNA awe mes pa haya sa con pa organiza un evento na bo scol! Bo por join bo so of bo por forma un team cu maximo 4 compañero di klas. E team ganado lo gana un trip riba barco di bela of un trip di snorkel rond di nan isla. Percura pa registra riba biglivenaturequiz.org.
Grupo meta: Nan kier esnan cu ta participa ta hoben di tur e seis islanan di Caribe Hulandes di 12-14 aña di edad ta worde invita pa participa na e Big Live Nature Quiz.
E quiz mes lo tuma luga dia 8 di november 2022 di 9:45 am te cu 10:30 am (ora local di Aruba).
Team: E studiantenan por participa nan so (solo) of por forma un team cu maximo 4 compañero di klas.
Lugar: Bo por participa na un di e tanto evenemento di klas cu e scolnan ta organiza pa e quiz of tuma contacto directo cu DCNA pa por participa online for di enseñansa di cas.
Reserva bo luga
E gruponan cu ta consisti di un pa cuater miembro mester registra di antemano na biglivenaturequiz.org pa participa. Corda cu no ta necesario pa studia pa e quiz.
Si bo ta participa via scol, bo mester solamente registra online (biglivenaturequiz.org), y hiba un cellular of un smart device pa team pa por manda e contestanan.
E tema di quiz: Esaki lo bay ta bestia y mata den peliger di extincion. E quiz ta bay tin un total di 24 pregunta di escogencia multipel. E quiz ta bay ta na Ingles, pero e preguntanan lo tin subtitulo na Hulandes, Papiamentu y Papiamento tambe. E preguntanan ta bay tocante especienan menaza manera turtuga, tribon y yuwana.
Premio: E prome premio ta un trip riba boto di bela / un trip di snorkel cu e team Ganado rond di nan isla. Tambe ta otorga otro premio local.
Quiz anual pa adulto y mucha: Big Live Nature Quiz a worde crea pa educa e ciudadanonan tocante cuido di naturalesa na un manera divertido y interactivo, pa crea sintimento di orguyo pa naturalesa di e islanan, pa sostene practica cu ta amabel pa naturalesa, pa sostene e proyectonan di conservacion di e parkenan y pa trece e hendenan dentro di Caribe Hulandes den contacto cu otro. Esaki ta un evento di tur aña pa adulto y mucha. E siguiente edicion pa adulto ta planea pa primavera di aña 2023.
Big Live Nature Quiz ta financia pa Ministerio di Agricultura, Naturalesa y Calidad di Alimento (LNV) y e actividadnan di DCNA ta conta cu apoyo di Loteria Nacional di codigo postal Hulandes.(NationalePostcode Loterij)
Si bo tin pregunta of bo scol kier registra, manda un e-mail pa This email address is being protected from spambots. You need JavaScript enabled to view it. y haya contesta.
