Despues di un aña escolar exitoso;
ORANJESTAD (AAN): E aña escolar 2024-2025 a yega na su final. Parlamentario Wever-Croes a expresa cu e aña escolar tras di lomba tabata tin hopi reto pa e veld di enseñansa, pero cu hopi orguyo ta mira atras con maestro, maestra y docentenan a surpasa cada un di e retonan aki.
Tambe ta hopi bunita pa mira e desaroyo grandi di innovacion den enseñansa, danki na e creatividad y determinacion di e maestro y docentenan.
“Awe mi kier gradici boso. DANKI pa dedica bo na educacion y enseñansa di nos muchanan y hobennan. Danki pa e pasion cu boso tin pa enseñansa y e amor pa nos alumno y studiantenan.
Mi proposito den politica ta pa crea un Aruba cu ta dushi pa nos biba den dje, y un Aruba dushi pa nos muchanan y hobennan crece den dje. Y boso ta instrumental den logra e Aruba aki, cu ta dushi pa biba
Gosa di e vakantie bon mereci, descansa, relaha y recarga e energia. Un biaha mas DANKI!” Parlamentario Wever-Croes a expresa.
