Pa un pais conoce progreso e mester reconoce su logronan grandi
*Ministro Geoffrey Wever a entrega e victoria di Aruba ariba Covid-19
*Aruba no a zink ora enemigo a ataca pero a skirbi un historia nobo
ORANJESTAD(AAN)—Durante e dianan cu a pasa, Ministro Geoffrey Wever a cera un ciclo sumamente importante den e forma cu Aruba como un Pueblo a enfrenta uno di e momentonan mas desastroso den historia humano y a canta victoria riba e enemigo yama Covid-19.
Den cantidad di noticia cu a keda presenta, por bisa cu practicamente e informacion aki a bay perdi debi pasobra lamentablemente politica na demasiado momento no ta permiti un Pueblo como Pueblo goza di loke como Pueblo el a logra.
Kico ta un cuenta anual? E ta e compilacion di cifranan cu ta entrega e prueba, cu Aruba ta un pais democratico cu ta wordo goberna cu placa di Pueblo a base di leynan cu mester ta di acuerdo cu bon gobernacion.
Uno di e momentonan mas grandi den historia di Aruba a bati na porta na 2020 ora mundialmente un enemigo desconoci a bati na porta di mundo y Aruba mester a hiba e bataya grandi di Covid-19 cu a cera porta pa turismo, pa economia di Aruba pa e produccion di e pan di cada dia di e Arubiano.
Na 2020 tur esfuerso di Aruba pa recupera cu a wordo celebra cu broche di oro, a bay perdi den e canto di lamento ora hende a bira peliger pa hende.
Segun tur formula basa riba logica intelectual, Aruba na e momento mester bira un pais sin futuro, loke no socede.
Aruba a uni pa sigui lucha, a enfrenta eleccion na 2021 pa forma un gobierno nobo a base di e cooperacion politico entre MEP y partido Raiz, cu mester a crea un base nobo pa Aruba por a sigui cana.
Di e forma aki ta yega na 2022, cu mester a bira aña di caida total pa Aruba, pero a bira e momento cu Aruba a entrega prueba cu e lo sigui dilanti pa na 2024 hasta presenta na Pueblo di Aruba cifranan cu a transforma e falta di placa pa goberna den un placa cu a resta den e cartera di Pueblo.
Na momento cu na 2025 Ministro Geoffrey Wever como ministro di un gobierno nobo a entrega Aruba e cifranan oficial di e maneho cu a wordo hiba na 2022, Ministro Geoffrey Wever a entrega e documento di cifranan di gobernacion di 2022, ora Aruba no a zink na man di Covid-19, pero Aruba a entrega ehempel na mundo na man di Gobierno Evelyn Wever-Croes, cu tin futuro pa Aruba cu awe ta wordo entrega cu e prueba di sobrevivencia, hancra den e relato annual di 2022.
Cifranan por por practica mentira, pero cifranan di 2022 ta papia di e forma cu Aruba a wordo maneha dor di su gobierno y asina a logra sigui cana y trapa ariba e intentonan destructivo di Covid-19.
E relato di con a atende cu placa di Aruba na 2022 mester haya mas atencion pasobra e ta duna animo na generacionnan nobo cu mester realiza cu e Arubiano no ta para keto na e problema ni amenaza mortal, pero ta den dolor ta construi un futuro nobo manera tabata e caso cu Aruba entre 2022 y 2024.
Na e momentonan aki sucesonan mundial ta ta crea tension y mas cu nunca mester duna Pueblo animo cu pruebanan palpabel den man.
Na e momento cu Ministro Geoffrey Wever a entrega e cifranan final di gobernacion 2022 di Gobierno Evelyn Wever-Croes dos aña despues cu Covid-19 a trata na mata Florin di Aruba y di kita pan y speranza di Aruba, Ministro Geoffrey Wever ta entrega cifranan di e gobierno na cual el a participa den pasado y cu a habri porta pa Aruba por a sigui cana y awe haci posibel cu ni e pruebanan mundial mas grandi cu por tin, por pone e Arubiano tembla.
Cu e relato financiero entrega dor di Ministro Geoffrey Wever di e forma cu na 2022 Aruba a sigui cana y construi un futuro nobo, awe no por bay perdi pasobra den politica generalmente tin problema na duna honor na esun cu merece.
Como Ministro di un gobierno cu un signatura diferente, Ministro Geoffrey Wever a entrega Aruba, e cifranan di gobernacion di Aruba na 2022, ora Aruba a bira lomba pa e miseria crea pa Covid-19 na final di un lucha mundial y awe a duna Aruba recupera financieramente, un caminda pa por a sigui cana cu aplauso mundial pa otro logro grandi di Aruba cu na 2022 manera cifranan ta confirma.
Un ciclo importante a cera su porta na momento cu Aruba a entrega su historia skirbi den cifranan, na mundo y futuro, cu ta reconoce e espirito di lucha y logro di e Pueblo di Aruba, manera e cifranan di 2022 ta duna constancia pasobra asina hubentud di Aruba ricibi e ehempel grandi, cu ora un pais lucha, e ta logra!
