Parlamentario Evelyn Wever-Croes a manda felicita DIARIO cu su 45 a؜ña di existencia

ORANJESTAD (AAN): Dialuna ultimo e Matutino Diario a celebra nan di 45 aña di existencia.

Pa conmemora e logro grandi aki, a tuma luga un conversatorio y exposicion “Comparti nos Herencia”, na Arubiana-Caribiana di Bilbioteca Nacional.

   Presente tabata un grupo activo den prensa, y den idioma papiamento, y tambe Ex premier, Evelyn Wever-Croes. A toca varios tema durante e atardi interactivo aki, entre otro, e rol di prensa den eventonan impactante di Aruba, Status Aparte, y a enfoca riba e papel di fundador di Matutino Diario,  Jossy Mansur dfm, como amigo di Betico Croes dfm.

   Ex premier Evelyn Wever-Croes a participa den e intercambio tocante di Covid-19, y a expresa di ta convenci cu e exito di e maneho di Gabinete Wever-Croes pa loke ta Covid, cual ta ehemplar mundialmente, ta debi na e strategia di comunicacion, tur dia, sagradamente 7or anochi.

   Durante e conferencianan di prensa aki, ex premier Croes tabata comparti informacionnan relevante cu tur ciudadano di pais Aruba pa asina nan tabata bon informa. Aki prensa a hunga un papel hopi importante paso si no ta pa nan esaki no lo tabata posibel.

   Un otro topico cu a worde trata durante e evento aki, ta e fake news y AI. Ex premier Croes a indica cu ta hopi importante pa tur hende verifica tur noticia dos of tres biaha prome cu kere locual ta sali riba medionan social, pasobra bo no por kere tur cos mas. Esakinan ta desaroyonan cu mester tene cuenta cu nan”.

   “Mi ta felicita señora Nuhad Mansur, Jossito Mansur y henter famia di Diario cu nan di 45 aniversario, y cu Diario por sigui informa comunidad pa hopi aña mas”.