Parlamentario Evelyn Wever-Croes a disfruta di e concierto di Grupo di Betico

Parlamentario Evelyn Wever-Croes a disfruta di e concierto di Grupo di Betico

Hasta Gobernador di Corsou tabatey

ORANJESTAD (AAN): Tabata Diahuebs anochi cu hopi hende bisti masha nechi mes, a aglomera den Renaissance Convention Center na Playa pa mira e concierto “Nostalgia di Fin di Aña cu Grupo di Betico”.

   Un anochi yena di recuerdo cu musica y melodia cu a haci Grupo di Betico bira uno internacionalmente reconoci.  Pa regala nan fanaticonan local un show completo, a tene e concierto aki, y e tabata full.

   Uno di esnan presente tabata Parlamentario Evelyn Wever-Croes, kende a probecha di e momento aki pa saluda cantidad di hende den sala.  Tur hende presente den sala cu un beis perfecto pa goza di e anochi.  Claro cu Evelyn a saca monton di potret cu esnan presente na e concierto.

   E concierto a wordo describi como ‘unico’, tambe ‘fenomenal’, ‘yen di emocion’, y tambe cu hopi alegriaaaa.  Entre publico por a mira Sr. Mauritsz de Kort, kende ta Gobernador di Corsou y tambe fanatico di Grupo di Betico.  E potretnan pa cortesia di Evelyn Wever-Croes.