Parada Escolar na Paradera bon anima cu YX3M

ORANJESTAD (AAN): Relaciona cu e hecho cu Colegio Pastoor Kranwinkel di Paradera pa di diescinco aña ta celebra nan Parada di Carnaval den nan bario,

a dicidi na haci esaki na un forma mas grandi pa 2024.

   Esey ta loke cabezante Angeline Lo a confirma pa DIARIO, durante e Parada super bon anima cu a tuma lugar riba cayanan di Paradera.

   Esaki tabata un bunita parada cu a conta cu escolta di Polisnan pasobra e momento ey den oranan di atardi tabata hopi druk riba caya.

   E participacion di muchanan di Klas 1 te cu Klas 6, a nifica cu tabatin como 200 mucha riba caminda.  Ademas di esey, scol a ricibi yudansa di varios boluntario, mayor, y ex-alumno cu a bin guia e parada.

   E muchanan tabatin basta dia ocupa caba cu nan tema, y a haya yudansa di mayornan y maestronan, y nan a presenta un creatividad magnifico riba caya.