Parada di Luz si tabatin hopi ambiente na San Nicolas

ORANJESTAD (AAN): E ta algo cu personanan no sa con pa describi e sentimento ey. 

Esta cu ora e Parada di Luz ta pasa den cayanan di San Nicolas, cu e ambiente ta uno unico, cu ta dunabo impulso pa balia sin stop.

   Y esey ta loke por a experiencia Diaranson anochi atrobe durante Parada di Luz di San Nicolas.  El a start net pa 8:00 pm, y a e rabo a yega su final banda di 2:20 am na Joe Laveist.

   E gruponan cu a participa tabata TOB, Champagne, OPC, Colours Carnival Group, Dushi Carnival Group, Royal, Infinity, Empire, y Don Flip Carnival Group.