Grupo Curazon di Savaneta cu triple celebracion den Renaissance Convention Center

ORANJESTAD (AAN) – Den Renaissance Convention Center, a tuma lugar un triple celebracion di e Grupo Curazon di Savaneta.

Señora Jasenta Thijsen Trimon, ken ta representa e bunita grupo aki y e ta nan lider, den entrevista cu DIARIO a menciona cu e ta percura pa haya un trip, cu tur cos gratis, y e ta percura pa tur Diamars nan tin un bingo, y tambe e ta duna nan gym y baile tur Diamars.

Grupo Curazon  di Savaneta ta un grupo di hendenan grandi hopi alegre, y nan ta pasa hopi bon hunto.

Riba dia 11 di Mei nan actividad tabata pa scoge e Mama di e Grupo, cu ta señora Maria Lelia Figaroa, e Mama di mas grandi di e grupo cu ta señora Frida Thijsen cu tin 91 aña di edad, tambe a celebra e di 90 aniversario di señora Efi Tromp, y e persona cu a pone e ambiente y deleita tur presente ta Robert Thiel.

Riba potret varios imagen di e celebracionnan tremendo aki di Grupo Curazon di Savaneta.