Mensahe di Papa Francisco pa Hubentud di Mundo cu bal la pena nunca lubida
ORANJESTAD (AAN) Seccion Hubentud den Movecion kier trece como ehemplo, un resumen cortico di su mensahe unda el a conmemora, na 2024, e di cinco aniversario di e Exhortacion Apostolico postsinodal “Christus vivit”. Papa Francisco a dirigi un escrito na e hubentud mundial, bisando: “Cristo ta bibo y e kier pa boso biba! Esaki ta un certeza cu semper ta colma di alegria mi curazon y cu ta impulsa mi awo pa skirbi e mensahe aki pa e 5 aniversario di e publicacion di e Exhortacion Apostolico Christus vivit, fruto di e Asamblea di e Sinodo di e Obisponan cual tema tabata: ‘E hobennan, e FE y e discernimento vocacional’.
“Mi kier prome cu tur cos, cu mi palabranan lo reabiba den boso e speranza den e actual contexto internacional, marca door di tanto conflicto y sufrimento y ta di imagina cu hopi di bosonan ta sinti, boso mes, desanima.
“ P’esey mi ta propone boso pa nos ranca bay hunto for di e anuncia cu ta den e fundamento di e speranza pa nos y pa henter humanidad: CRISTI TA BIBO!” Mi ta bisa na cada un di boso en particular: Cristo ta bibo y ta stima bo infinitamente. Y su Amor pa bo no ta condiciona door bo caidanan of bo foutnan. E, cu a duna Su bida pa bo, no ta spera pa bo yega na e perfeccion, pa stima bo.
Mira su brazanan habri na Cruz, cana cu ne manera bo cana cu un amigo, acog’e den bo bida y hacie participe di bo alegrianan, speranzanan, sufrimento y angustianan di bo hubentud. Bo lo mira con bo caminda lo ilumina, y con e carganan di mas grandi lo pisa menos, pasobra lo ta E ken lo hiba nan cu bo. P’esey, invoca e Spirito Santo, cu ta laga bo drenta cada bez mas den e Curazon di Cristo, pa bo yena semper mas di Su Amor, Su Luz y Su Forza”!
