Pampers Baby di aña 2025 a haya un aña di pampers gratis!

ORANJESTAD (AAN):  Pampers ta mundialmente conoci pa su productonan di calidad superior, innovacion y atencion pa e cuido di baby.

            Tur aña Pampers Baby di aña ta wordo celebra, como e promer baby naci den aña.  E ta un tradicion cu ta trece alegria y speransa pa futuro, den nos comunidad. E nacemento di e promer baby di aña Pampers ta un simbolo di comiensonan nobo. E ta un celebracion cu ta refleha optimismo, speransa y e promesa y posibilidadnan di un aña nobo.

            E ta un celebracion cu ta uni nos comunidad pa comparti e alegria di un bida nobo. Pampers baby di aña 2025 ta un baby mucha muhe, baby Madeleine Delgado Gomez. En conexion cu esaki Pampers ta regala baby Madeleine un aña di Pampers diapers y wipes gratis.

            Baby Madeleine a nace dia 1 di januari 2025 10 or di mainta y a pisa 2920 gram y tin un largura di 51.33 cm.

            Pampers ta felicita mayornan cu e yegada di baby Madeleine.