Den Dia Mundial Contra Cancer:
ORANJESTAD (AAN) – Den e contexto di e Dia Mundial Contra Cancer, cu ta awe diasabra 4 di Februari, PAHO ta splica cu e deteccion trempan di Cancer ta adkiri un importancia fundamental.
Awendia ta existi pruebanan di diagnostico determina, cu ta garantiza detecta e malesa den un estado hopi trempan, cu e consecuente probabilidad di curacion. Tambe tin e caso di testnan pa cancer colorectal, pulmon, mama y cervical. Dependiendo di e tipo di cancer, di e estado den cual e ta, y e estado di salud di e pashent, lo por aplica diferente tecnica y tratamento, manera: Cirugia, radioterapia, chemotherapy, immunotherapy, hormone-therapy, y Gene Therapy.
E tratamento paliativo ta diseña pa alivia e sintomanan y mehora e calidad di bida di e pashent den cualkier etapa di e malesa, y incluso pa controla e efectonan secundario di e tratamentonan.
CAMPAÑA 2023-2024: Splicacion di e tema
Manera a wordo comenta den un prome articulo, e tema di e campaña ta: “Pa ciudadanonan mas husto”.
Ta wordo pretende pa compronde y reconoce e desigualdad den e atencion di cancer na mundo, tratando di elimina esaki y cu nos tur por tin acceso igual na e tratamento necesario den cada caso.
Ta existi multiple bareranan cu ta crea e desigualdad den e tratamento, manera e normanan di genero, gruponan di poblacion minoritario, e situacion socio-economico, edad, homophobia, entre otronan. Ta trata di potencia e igualdad den e tratamento, pa duna cada pashent hustamente loke e mester!
