Pa prome biaha Stichting Examenkamer Nederland a supervisa un examen oficial na Aruba

ORANJESTAD (AAN):  Diasabra 7 di Juni tabatin un momento sumamente historico pa FEPA y pa Aruba ora,

bao supervision di Examenkamer Nederland, a tuma luga e prome examen na Aruba.

            Esaki ta e curso di Papiamento, Dominio di Idioma. Esaki tabata conhuntamente cu Fundacion Corector Papiamento(FCP).

            E prome evaluacion tabata sumamente positivo cual riba e diploma lo aparece e logo di un instancia Hulandes, conhuntamente cu e logo di Fundacion Enseñansa pa Aruba (FEPA) y Fundacion Corector  Papiamento (FCP).

            Un curso reconoci riba nivel Hulandes tambe. Un danki na directiva di Fundacion Corector  Papiamento Sra. Glenda Reiziger y Sra. Jos Maduro y di FEPA, Sr. Randolf Marlon Vrolijk y Sr. Tae Harte.

            Aña pasa fundacion FEPA  a logra haya un acreditacion for di Stichting Examenkamer Nederland unda cu desde awor tur curso y estudionan por ser supervisa y reconoci pa e institucion Hulandes aki.