Minister di Husticia Arthur Dowers:
ORANJESTAD (AAN)- Minister di Husticia mr. Arthur Dowers, den entrevista cu DIARIO a elabora tocante e control digital cu e personanan cu kier solicita pa bin Aruba, tin cu pasa den dje, pero tambe a splica cu en general e control aki lo aumenta hopi pa December venidero.
Mas cu diez aña pasa, el a indica, gobierno di Merca a bin cu e posibilidad cu e persona cu kier biaha di Aruba pa Merca por yena su “ESTA” (Electronic System for Travel Authorization), y Aruba a bin cu su asina yama ‘ED Card’ (Carchi di Embarcacion of Desembarke), y awo mester haci esaki previamente mas trempan cu prome. Ora e ta cumpli cu esaki e ta wordo gescreen.
E mandatario a splica cu e sistema ED Card tin diferente dato nacional y internacional cu e persona tin cu pasa door di dje, y a base di esey ta defini si e persona no ta un riesgo pa Aruba, y automaticamente nan ta lague drenta. E sistema, entre otro, tin un fam hopi similar na otro (por ehemplo Hoek y Hooker), y ta wak cual ta esun corecto y nan ta drecha esaki. Asina nan ta preveni cu hopi hende ta yega nos frontera y tin cu manda nan bek, of si e persona cu kier a drenta a haci algo robes cu e no por drenta, segun e mandatario a splica.
Minister Dowers a bisa cu tambe tin hende cu ta echa baina, y esey ta nifica cu nan no mag di biaha, y esaki ta cosnan cu ta wordo detecta via ED Card.
Minister Dowers a señala cu loke tin’e preocupa e fin di aña aki e controlnan digital na frontera ta aumenta mas, y gobierno ta bay purba di crea un aumento pa loke ta e servicio y reduccion di e presion riba e funcionarionan di imigracion cu tecnologia. E control ta conta pa tur hende, local y bishitante, e dignatario a remarca.