Debi na trabao necesario pa instala radiator nobo
ORANJESTAD (AAN): Como parti di e proyecto pa expansion di WEB Aruba NV su planta RECIP-3, den ultimo dianan a cuminza cu e trabao necesario, di instala radiatornan nobo pa e planta existente.
DIARIO a compronde cu e trabaonan di instalacion a cuminza caba den oranan di anochi, marduga y mainta, ya desde Diahuebs 14 di Augustus. Nan a sigui riba Diabierna 15, awe Diasabra 16, y lo tey mañan Diadomingo 17 di Augustus tambe. Esey lo ta e ultimo dia.
Debi na esaki, WEB Aruba NV a haye ta obliga na saca 3 motor temporalmente for di servicio. Consecuencia di esey ta cu, den palabranan di WEB, cu tin ‘un chens minimo” interupcion cual lo ser mitiga por medio di backup di WEB su planta mobil y su turbina di gas.
Segun WEB Aruba NV, nan a scoge pa haci e trabou necesario aki den oranan di anochi laat pa marduga y mainta, durante cual e demanda di coriente no ta na su piek. Lo saca e motornan, un pa un for di servicio pa asina afecta produccion lo minimo posibel y pa controla e riesgo di interupcion.
E compania di antemano ta gradici pa e comprension y ta pidi disculpa pa posibel inconveniencia.
