Otro verkeersplateu poni riba Avenida Nelson Oduber

ORANJESTAD (AAN) For di cierto sentido, tin di aplaudi DOW cu ta purba na haci algo pa evita cu mas accident pisa y kizas cu heridanan fatal ta socede na e cruzada di Avenida Nelson Oduber na Palm Beach.

   Como cu tin di warda te 2022 pa mira si acaso tin fondo disponible pa traha un rotonde gigantesco eynan, por lo pronto a base temporal, a traha algun verkeersplateau pa asina obliga chauffeurnan pa baha velocidad, y asina trata na elimina accident.

   Den e anochi di Diamars pa Diaranson madruga, personal di DOW tabata riba pia pa 11 ora largo a traha un plateau riba e via di Avenida Nelson Oduber, for di Malmok rumbo pa Oranjestad, poco pariba di McDonald’s Palm Beach.  Aki por mira nan ta trahando riba dje.

   Esaki a keda cla mientras tanto y ta di spera cu chauffeurnan tuma bon nota di esaki pa reduci velocidad.  E speranza tey tambe cu DOW lo sigui mantene e lineanan blanco riba e plateaunan aki pa asina nan keda visible di dia y anochi pa chauffeurnan.

   E potretnan aki pa cortesia di DOW Social Media.