ORANJESTAD (AAN): Bo ta cla pa preguntanan cu ta lagabo kibra cabez, pero toch bo ta purba duna contesta pa asina gana? Pesey lo bay tin otro siman un evento di Seso Sport.
Esaki ta un invitacion na e miembronan di Organizacion di Pensionadonan Publico Aruba.
OPPA ta invita su miembronan pa asisti na e actividad di Seso Sport. Miembronan por forma nan grupo di maximo 5 persona pa e actividad aki.
DIARIO a compronde cu lo bay tin premio pa e 3 prome gruponan ganador. E merdia aki, bebida, pasaboca y entrada ta gratis. Sinembargo e inscripcion pa e actividad aki ta obligatorio na Cas di OPPA. Por registra di awe caba y deadline ta Diaranson 22 di October.
E evento di Seso Sport mes lo ta na Cas di OPPA na Primavera 6-N, riba Diabierna 22 di October 2021, for di 10:00 am te cu 1:00 pm. Entrada ta gratis, pero bo ta obliga na registra durante oranan di oficina. E biaha aki lo no tuma inscripcion via telefon.
