Fundacion E Fortaleza y Sosten pa Famia
ORANJESTAD (AAN): Fundacion E Fortaleza y Sosten pa Fanmia lo presenta Diasabra dia 29 di November 2025, un evento di Christmas Bazaar yama “Wak Mi Drechi, Corda Riba Mi”.
Dios ta bon pa nos. Nos a haci oracion y cana e caminda, e vision ta bira realidad, y awor nos mester sosten di nos pueblo di Aruba.
Diasabra dia 29 for di 8:00 am te cu 4:00 pm riba parking lot di Entertainment Center Dakota, nan ta warda abo y bo famia, pa presenta na bo cu tur amor posibel e Fundraising ‘Wak mi Drechi, Corda riba Mi”.
Lo bay tin un tremendo Pan cu Ham di Pasco pa solamente 9 Florin, y pa merdia un Christmas platter pa solamente 20 Florin. Nan lo bende pan y cuminda te atardi, pero no lubida cu Op is Op, pesey yega tempran pa bo sigura esun di bo. Tambe lo tin refresco y juice na benta.
E actividad aki ta pa conscientisa e amor den pueblo, pa un stima otro, y por regala su prohimo, su bisinja su ruman un pan of cuminda y tene un combersacion cune
Tin un oportunidad pa tur esnan cu kier regala un grupo pan of cuminda, pa order y paga na tempo pa nos por tene cuenta cu esaki.
Ta e momento di corda riba nos grandinan, corda riba nos muchanan, corda riba famia nan di menos recurso, corda riba esnan cu mester di ayudo, pasa cumpra un cuminda y bay bishita e persona, y no solamente, duna, e pan of cuminda, pero laga e persona sa cu bo tin atencion pe y cu bo tey pe tur momento.
E actividad aki lo sirbi pa restauracion di Famia, y amistad en general, y bondad di curazon lo worde expresa.
Nos ta spera henter Aruba, corda cu e actividad aki ta pa haya fondo pa continua den e Construccion di e Centro di Rehabilitacion pa Damas cual ta avansando. Bo Donacion tambe ta bon bini.
Bin celebra hunto cu nos un dia di victoria, un dia di goso, un dia di amistad. Pa mas informacion y pa haci pedido, sea 740-3237 of 661-9150. Bo por yama of skirbi nan.
