Tambe den sistema di Beroepsonderwijs Colegio EPI
ORANJESTAD (AAN) Minister Gerlien Croes, titular di Enseñanza, den entrevista cu Matutino DIARIO, a expresa cu e firmamento di MOU entre Colegio EPI, Ministerio di Salud Publico y Departamento di Adulto Mayor, tabata un momento hopi bunita, y un bez mas por a mira hopi desaroyo positivo den enseñanza y den e sistema di Beroepsonderwijs, den e caso aki Colegio EPI.
E dignatario a menciona cu ya gobierno tabata tin cu a wordo firma y stapnan cu nan a duna riba tereno culinario, y recientemente, siman pasa a firma un acuerdo cu SVb Bonaire, cu tambe a duna sosten, y den tempo hopi cortico awo atrobe a dal un stap mas den caso aki den area di cuido.
“Sumamente contento cu nos a yega asina leu. Mi sa cu tin hopi pa traha riba dje, inverti y structura, pero e desaroyonan aki tambe ta hopi positivo. Nos mester garantiza cu e structuranan ta na nan lugar, y mi ministerio sigur y gobierno di Aruba, nos kier inverti drasticamente den locual ta e opleidingnan cu nos ta ofrece, pa locual ta e conocemento aki di Beroep Onderwijs.
E desaroyonan ta grandi. Tin hopi inversion necesario si, pero tin structura cu nos mester keda crea y garantiza, pero ta hopi bunita tambe pa wak cu e colaboracion na e momento aki ta wordo crea cu e area di cuido y scolnan na Aruba”, Minister Gerlien Croes a señala.
