Minister mr. Geoffrey Wever a anuncia
ORANJESTAD (AAN): Un negoshi exitoso ta cuminsa cu un bon preparacion. Pa esaki, Ministerio di Asuntonan Economico, Industria y Comercio, a traves di su unidad IDEA, ta organiza un tayer gratis dia 27 di februari pa tur esnan cu ta desea cuminsa of crece den nan caminda empresarial.
Segun minister Geoffrey Wever, tayernan manera esaki ta crucial pa empodera nos hendenan. "Economia di Aruba ta depende grandemente di negoshinan chikito y mediano. Nos pueblo ta conoci pa su espirito comercial, ambicion y creatividad, pero pa logra exito, tin hopi mas cu simplemente un bon idea. Maneha un negoshi ta rekeri administracion, research, y cumplimento cu regulacionnan, entre otro," minister Wever a enfatisa.
E workshop aki lo guia participantenan den e prome paso pa un negoshi solido. Sr. Edward Erasmus di Erasmus Consulting & Training lo comparti su conocemento riba investigacion di mercado, analisis di competencia, y creaccion di un base fuerte pa negoshi.
E lo bay ta Diahuebs 27 di februari, for di 9:00 am te cu 11:00 am, y lo ta den Camber 25 di segundo piso di Departamento Asuntonan Economico na Sun Plaza Building.
E ta gratis, pero ta necesario pa registra di antemano. Haci esey na e website aki:
E tayer lo wordo duna pa mr. Edward Erasmus, y lo wordo duna na Papiamento. E topico lo ta ‘market research and competitive analysis’.
No perde e oportunidad pa cuminsa bo negoshi na e manera corecto. Registra awe mes.
