Otro programa interesante di 'Hunto Grandi Grandi Hunto' di Fundacion Movimento ta Bida

ORANJESTAD (AAN):  Diamars 5 di april a duna inicio na un programa inovativo "Self Defense" di Hunto Grandi Grandi Hunto (HGGH) di Fundacion Movimento Ta Bida.

            Mirando e interes grandi pa e proyecto aki, a cuminsa cu 2 (dos) grupo, cu ta riba diamars y diahuebs.  Esaki lo dura 12 siman cu 11 participante den cada grupo.

            E curso  ta na encargo di Gregory Milliard y Benny Richardson.

Aki a duna ehercicio, movecion y un poco Zumba, y tambe algun teoria y tecnica di "self defense"

            E encuentronan a tuma y lo sigui tuma lugar na Milliard MMA Academy na Piedra Plat por lo pronto.  Si tin suficiente interes, lo busca localidad (nan) adecuado pa bay den otro barionan den futuro.

            FMTB hunto cu HGGH por wak bek riba un comienso di un proyecto cu hopi satisfaccion y gradecido na Sr Milliard pa acepta e reto.

            Oficinanan di FMTB y HGGH ta keda den e edificio di IBISA.