Vicky Arens y Lotte van der Heuvel:
ORANJESTAD (AAN) – Cas di Cultura a yama un conferencia di prensa, den cual Vicky Arens, directora, a hiba palabra, esaki tocante e programa cu tin en ocasion di Aruba su celebracion di Dia di Himno y Bandera.
Cas di Cultura, manera usualmente, tin hopi cos pa participa na dje, segun Vicky Arens a indica. Por ehemplo un concierto yama “Amigonan di Cunuco” dirigi pa J. Croes, tambe tin craft den sala di exposicion pa muchanan traha kico cu nan kier, pintamento, tin Gino Jump, Popcorn, artesanonan tambe cu ta bay para pafo. Kiermen e ta bay ta un dia agradable manera comunidad ta custumbra di dje.
Cas di Cultura ta yama tur bishitante bon bini, pa e dia aki ta exitoso y pa tin un conhunto di actividadnan grandi na Aruba pa e Dia Nacional.
Seguidamente, Lotte van der Heuvel, Hefe Programador y Educacion na Cas di Cultura a hiba palabra y a bisa cu e ta hopi bezig cu comunidad pa Dia 18 di Maart. El a splica cu nan kier crea un plataforma creativo den Cas di Cultura, y si un artista kier tin su mesun exposicion por acerca Lotte. Nan tin un politica di porta habri di manera cu por pasa cerca dje, pasobra e tey pa traha hunto e plataforma creativo. Tin un sala di exposicion cu no ta costa bo nada, y tur hende ta bon bini.
