Colaboracion
Oslin Toppenberg a nace na Aruba y for di edad hoben a cuminza hunga bola den bario na scol. Cu edad hoben a bira miembro di clubnan existente di futbol. Oslin a bira miembro di S.V. Studiante, Aruba Jrs., Dakota y R.C.A.
Su carera internacional a cuminza na aña 1964 cu e seleccion di Antiyas na Mazate Nango (Guatemala). Oslin a debuta den seleccion di Antiyas como e portero titular, hunto cu keepernan di Corsou cu tabata: Sr. Rignald Hato, Orling “El loco,” De Lanoy.
Oslin su posicion como keeper a briya semper meymey di e grandinan na Aruba, manera Puppy Diaz q.e.p.d., Sr. Juby Richardson, Janchi Croes q.e.p.d., Feki Castro q.e.p.d. y mas. Pa e buelta milagrosonan cu e mundo ta dal, Oslin a ricibi un oferta for di Federacion di futbol di Puerto Rico pa firma e seleccion over cu un contract di 5 aña, esta di 1973 te cu 1978.
Mester menciona cu Toppenberg ta bira e prome Arubiano como entrenador internacional di futbol . Toppenberg a dirigi den torneo nan internacional di Concacaf na St. Domingo, Puerto Rico y Canada. Oslin tabata na cabezs di e seleccion pa cualificacion contra Barbados na 1976-1977, cualificacion pa mundial. Na 1978 su periodo internacional di 5 aña ta yega su punto final. A pasa e puesto pa e entrenador nobo Argentino, Sr. Carlos Martinota.
Oslin a dirigi e seleccion a 2 occasion contra Cosmo cu Pele hungando te ainda. Sr. Oslin Toppenberg ta honra un icono pa su Aruba natal, caminda e tin un carera, unda a profila, pa pasa e rol como entrenador, arbitro y administrativo deportivo. Sr. Oslin Toppenberg ta un ere-lid di Aruba su futbol bond.
Asina ta cu Sr. Toppenberg a saca cara di Aruba na nivel internacional. Corsou a yega mundial, Aruba tambe por yega “manos a la obra, manos a la obra!”. Fe semper.
(Relato internacional y potret aki colabora door di Ronny Elizabeth).
