Organizacion OPPA ta observando nan di 35 aña di existencia

Bunita Sacrificio di Misa

ORANJESTAD (AAN): Organizacion di Pensionado Publico di Aruba, OPPA, ta celebra su di 35 aña di existencia dia 26 di Augustus 2023 benidero.

   Pa duna comienso na e celebracion y como muestra di gratitud na un y tur cu a yuda OPPA alcansa e bunita logro aki, tabatin un Santo Sacrificio di Misa Diadomingo 20 di augustus  2023 na Misa Pro-Catedral na Playa pa 11 or a.m.

Pastoor Jairo Maduro a dirigi e Misa y a predica hopi bunita. Pastoor a felicita e miembronan presente y a duna un bon mensahe den su predicashi.

   Coro San Francisco, cu tin diferente integrante cu ta miembro di OPPA, a acompaña e Santo Sacrificio di misa. E coro a toca y canta masha bunita durante e celebracion aki.

   E misa tabata hopi bon presencia pa e miembronan di OPPA, cu a keda hopi contento cu e celebración aki.

Prome cu Pastoor a duna bendicion, Señora Reina Hernandis, presidente di Comision di Actividad di OPPA, a duna un relato cortico di e historia di OPPA.

Tame a invita e miembronan di OPPA presente pa prome cu nan bay cas pa nan pasa dilanti pa asina saca un potret di e grupo y  cu por cierto tabata bastante grandi. Danki pa boso presencia.

CdA a keda hopi contento cu e celebracion y cu di e manera aki por a gradici y haya bendicion pa salud pa por sigui cu e bunita trabao como boluntario pa OPPA.