Randall van Trigt, director financiero Stichting HUNTO:
ORANJESTAD (AAN) -- Randall van Trigt, director financiero di Stichting HUNTO a remarca den entrevista cu Matutino DIARIO, cu e problema di salud mental ta escalando hopi mas lihe cu e solucion, vooral si no tin inversion den e situacion di adiccion.
“Un cos cu nos a papia den team y nan a trece esey dilanti y ta berdad, ta e pregunta: ‘Kico Hunto ta haciendo e ultimo tres añanan?”
Van Trigt a comenta cu Aruba tin 40 aña sin inverti den e nivel social, y ora un pais tin 40 aña cu no ta inverti den nivel social ta wak e consecuencianan di esaki, y esey ta e caso.
“Mayoria di cliente cu mi ta papia cu nan, ta un trauma tin su tras. A wordo viola ora nan tabata jong, no tin tata na cas, y un of otro trauma”, van Trigt a señala.
El a acentua cu no ta trata di dal un marihuana, pero di e calidad di droga cu tin riba caya. “Cu momento bo dal, y bo a dal algo sintetico, e ta cay di biaha den momentonan psikiatrico. Esey ta un situacion full otro.
