OPPA  a celebra nan di 35 aniversario

ORANJESTAD (AAN): Organisacion di Penshonadonan Publico Arubano (OPPA) a celebra nan di 35 aniversario cu un tremendo fiesta na Renaissance Convention Center.

Señor Ivo Valdes, presidente di OPPA a bisa cu ta un honor pa celebra e di 35 aña di existencia di OPPA. Manera ta conoci, OPPA ta un organizacion di casi 1.600 miembro y tur siman nan ta haya miembronan nobo.

Nan tin un acogida grandi na Aruba y OPPA ta e voz di e pensionadonan y percura pa nan miembronan mantene nan derechonan desde cu nan ta baha cu pensioen.

Valdes a splica cu semper nan miembronan ta gusta celebra en grandi nan aniversario, como tambe otro actividadnan, manera charla, bingo, seso sport y deporte, cu nan ta organiza durante aña. E biaha aki no tabata un excepcion y nan a scoge Renaissance Convention Center pa por acapara tur nan miembronan.