ORANJESTAD (AAN): Michelle Mendez Fonseca, ta PR manager di The STEM Embassy, un organisacion lanta door di studiantenan den STEM (Science, Technology, Engineering, Mathematics).
El a informa DIARIO cu nan ta consisti di 12 miembro lanta na Aruba y Corsou, studiando na Hulanda, Merca, y Suiza. Nan meta ta pa introduci y promove STEM na e hubentud di e islanan ABC.
E aña ‘ki nan ta organisando nan di dos evento na Aruba: “Ki’ Ta Bo STEM? Aruba 2023” pa hoben entre 12-21 aña cu workshops practico y interactivo den STEM.
Esaki lo tuma luga dianan 26-29 di juli na Universidad di Aruba. Durante e dianan aki nan lo duna 6 diferente workshop den ingenieria, kimica, biologia y mas! Tin 150 lugar disponibel.
Miembronan di The STEM Embassy a ripara cu hopi mucha no ta sigui un estudio den STEM, kisas door di miedo pa purba of door di falta di informacion.
Awendia e peticion pa ingeniero den sector laboral ta birando mas grandi y e cantidad di studiante cu ta scoge pa bay studia den e ramo di STEM no ta creciendo. TSE a dicidi cu ta momento pa tuma iniciativa y mustra e siguiente generacion di studiantenan cu tin futuro y oportunidad di haya un trabou den STEM riba e islanan ABC. E mision di TSE a bira realidad aña pasa unda nan a organisa nan prome STEM summer camp: "Ki' Ta Bo STEM? Aruba 2022" unda muchanan a participa den diferente workshop incluyendo robotica, coding, biologia y mucho mas Esaki tabata un gran exito.
E aña 'ki TSE ta invita e pueblo di Aruba na e di dos STEM summer camp"Ki Ta Bo STEM? Aruba 2023" pa muchanan entre 12-21 aña di edad y lo tuma lugar dia 26-29 di juli na Universidad di Aruba.
Tin un total di 150 lugar disponibel y lo tin 6 diferente workshop incluyendo ingenieria, biologia marino, kimica, y hopi mas. Cu e workshops TSE kier pa e muchanan haya un chens pa explora nan interes den STEM y inspira e muchanan pa sigui descubri nan pasion. E evento ta caba dia 29 di juli cu un STEM.
Festival cu ta habri pa publico. Diferente organisacion y compania den e area di STEM lo ta presente pa brinda informacion na comunidad henter. TSE kier indica cu no ta importa e nivel di estudio di e muchanan y pa por participa conocemento di STEM di antemano no ta necesario. E meta di TSE ta pa crea interes den e arcanan di estudio di STEM
