Opendag di Mariniers Kazerne ta bek exitosamente despues di 4 aña

ORANJESTAD (AAN):   Despues di 4 aña, e famoso evento di e 'Opendag di Mariniers Kazerne' ta bek. Esaki ta un evento masha gusta mes y e ta tuma lugar riba Dia di Labor.

            Pa e ocasion aki por a mira un acogida masal. Publico a yega Kazerne na Savaneta for di tur skina y esaki a causa cu por a mira cu trafico a stanca pa basta rato riba caminda principal.

            Ademas di tur e tentnan cu tabatin presente cu masha hopi articulo y cuminda cu e publico por a cumpra, tambe tabatin oportunidad pa goza di diferente rifa, diferente show pa adulto y mucha.

            Entre otro tabata tin demostracion di loke e mariniernan y otro departamentonan entre otro Polis, Rampenbestrijding, Brandweer, ta uza pa train, nan material logistico pa situacionnan di crisis.

            Mester bisa, cu prome cu e actividad a habri su portanan, tabatin rij largo di hende para te ariba caminda grandi y tambe riba e otro banda te banda di e veld di baseball.  Asina mes cu a habri e porta, por a keda mira rijnan largo tabata continua di e cantidad di hende cu tabata entusiasma pa yega na e opendag aki masha gusta.