Open House di Universidad di Aruba y inscripcion ta start pronto

ORANJESTAD (AAN): Recientemente Universidad di Aruba a habri su portanan pa e futuro studiantenan y nan famia,

mustrando diversidad di su programanan academico y e vibrante bida universitaria cu a convirtie den un institucion di educacion superior di nivel halto. E Open House tabata un exito rotondo, yen di presentacion interesante, exhibicion interactivo y oportunidad pa conecta cu e profesorado, e personal y e studiantenan actual.

   Nos ta gradici specialmente  tur studiante y  miembro di personal cu a yuda pa haci e sesion aki asina informativo y atractivo. Nos ta gradici specialmente e ekipo di OSA, e ekipo di apoyo estudiantil riba rednan social, y e representantenan estudiantil pa e murayanan interactivo, e caluroso bonbini cu a duna na nos invitadonan y e campaña divertido y atractivo riba rednan social.

   Esnan presente por a explora e diferente facultadnan di Universidad, incluyendo esunnan cu ta enfoca riba ley, finansa, hoteleria, trabou social y desaroyo, y nos programanan, djis pa menciona algun. Nan a siña di e acercamento unico cu enfoke riba siñamento practico, e klasnan reduci cu ta fomenta atencion personalisa y e compromiso di universidad pa prepara e studiantenan pa careranan profesional y exitoso na Aruba y rond mundo.

“Nos a keda masha contento cu e participacion asina halto na nos Open House”, e vocero di Universidad a declara. “E entusiasmo di e futuro lidernan aki ta un inspiracion. Nos ta kere cu Universidad di Aruba ta ofrece educacion inteligente, accesibel y di nivel halto cu realmente ta beneficia comunidad.

   E evento a enfatisa e dedicacion di Universidad di Aruba pa brinda un experiencia educativo integral. E studiantenan no a adkiri solamente conocemento academico, sino nan a desaroya tambe pensamento critico, habilidad pa resolve problema y habilidad di liderazgo, tur esaki den un ambiente di apoyo y inclusion.

   Fecha importante pa futuro studiante:  Informacion cu DIARIO a ricibi, e inscripcion ta gratis online: 15 di Mei te cu 15 di Juli 2025. E deadline pa entrega di copia di diploma y inscripcion academico ta 15 di Juli.  Comienzo di e programa di orientacion pa studiante ta 19, 20 y 21 di Augustus.  Corda cu e deadline pa pago: 1 di September.

   Universidad ta anima tur futuro studiante pa probecha di e oportunidad pa inscribi gratuitamente online y entrega  e documentacion rekeri na tempo. Esaki ta un paso crucial pa sigura nan luga den e aña academico benidero.

   Aruba tin mester di bo talento! Universidad di Aruba ta comprometi pa forma e mentenan mas briyante di e isla y pa contribui na su futuro prosperidad. Door di brinda acceso na educacion di calidad, universidad ta empodera e studiantenan pa bira profesional-  capacita y ciudadanonan activo, cu ta trece cambio positivo den nan comunidad.

   Si acaso bo no a logra asisti na e Open House of bo ta desea mas informacion di e programanan y e procedura di inscripcion, tuma libremente contacto cu nan. Cu hopi placer nan lo contesta bo preguntanan y lo guia bo den e siguiente pasonan.

   Pa mas informacion bo por manda un e-mail na This email address is being protected from spambots. You need JavaScript enabled to view it. y pues no laga bo soñonan warda! Join Universidad di Aruba y cuminsa riba e biahe academico excelente y un crecemento personal. Nos ta desea di conoce bo y saludo bo den e aña di estudio benidero.