Open Dag na Marinierskazerne pa pueblo haya bista total di tur socio den seguridad

ORANJESTAD (AAN): Na Marinierskazerne Savaneta semper tin como 100 profesional bon entrena cu ta cla pa subi caya pa duna yudanza humanitario,

of yuda mantene ordo publico den Caribe, e.o. ora di horcan of inundacion.  Tambe nan ta specializa den operacionnan di rescate den Caribe.

   Marinierskazerne na Savaneta un biaha mas ta habri su portanan pa publico riba Dialuna 1 di mei 2023.

   Despues ku pa 4 aña largo no por a tuma lugar e Open Dag aki, porfin a yega asina leu atrobe. Tur hende ta bon biní pa bin tira un bista entre 10:00 am te cu 4:00 pm.

   Mariniernan lo bay demostra tur nan tarea y talento.  Si bo kier mira tur esaki, ta na e Open Dag bo mester ta.

   Na Marinierskazerne lo tey tambe e socionan den seguridad, tal manera Wardacosta di Caribe Hulandes, Cuerpo Policial Aruba, Cuerpo di Bombero, y Bureau Rampenbestrijding Aruba lo tey presente henter dia.

   Durante e Dia Habrí lo por mira diferente demostracion di tanto Marina Real como tambe di e sosionan den seguridad. Bishitantenan por come algo na e ‘foodcourt’ nan y cana keiro rond na e diferente tentnan di e mercado. Tambe lo tin un ‘Superlottery’ cu bunita premio. E recaudacion di e rifa ta bay pa dos organizacion caritativo, entre otro: “Trampolin pa Trabao” y “Fundashon Muchila Creativo”.