Open Dag na Mariniers Kazerne a resulta un exito un biaha mas

ORANJESTAD (AAN):  Riba Diaranson 1 di Mei a tuma luga e Open Dag anual na Kazerne di Marina Savaneta.

For di 10:00 or te 16:00 or Marina Real a  habri su portanan pa publico cu un programa varia pa mucha, hoben y adulto.

            E dia aki a brinda un escala amplio di actividad y demostracion, durante cua e bishitantenan por a haya un bista unico di paden den e trabou di socionan di Defensa y Seguridad.  Cuerpo di Marina, Marechaussee Real, Wardakosta Region Caribe, Oficina di Gestionnan di Desaster Aruba y Cuerpo Policial Aruba  tabata presente pa demostra kico nan tin den cas.

            Algun aspecto cu mas a destaca riba e dia tabata entre otro e impresionante saltonan cu parachute di ‘Defensie Paraschool’, e organizacionnan benefico cu a sostene  diferente accion di bon causa  y barètnan ku a keda reparti bou di e muchanan. E organisacionnan cu a ricibi sosten cu e evenemento ta, ‘CasMarie Centro di Encuentro pa Persona cu Demencia’ y ‘Centro di Bario (CdB) Savaneta’.

            Durante dia a tuma luga demostracionnan riba tera y riba awa, cada un cu dos demostracion, durante cua a imita diferente escenario despues. Ademas di e demostracionnan tabata musica live, mientras cu e mercado y e kiosconan di cuminda a ofrece e bishitantenan cosnan dushi y souvenir pa bay cas cu ne.

            E exito di e Open Dag di Kazerne di Marina Savaneta ta danki na e esfuerso di tur esnan envolvi y e participacion cu entusiasmo di e publico. E evenemento no solamente a contribui na engrandece e consciensia tocante e trabounan di servicionan di Defensa y di Emergencia, pero tambe a brinda sosten balioso na dos acto di bon causa.