ORANJESTAD (AAN): Recientemente One Happy Island Lions Club a organiza un biaha mas un fiesta di Pasco pa nos muchanan.
Un total di 50 mucha a participa na e evento aki nan unda parti atardi nan por a hunga den dino jump, pinta cara, hunga cu blaas, core rond, sinta den cockpit manera piloot y mucho mas evento.
Durante atardi aki tur mucha a ricibi snacks y coy bebe for di miembronan di One Happy Island Lions Club.
Na final di atardi, tur mucha a worde yama un pa un pa ricibi nan regalo di pasco for di Santa Claus. Un tremendo evento yen di energia y sentimento di Pasco.
Danki special ta bay pa Tante Dientje & Oom Denden pa pone DC9 Zone un biaha mas disponible pa e evento aki. Tambe danki na e sponsorsnan cu ta UTLT General Contractors y Keke Megamart.
https://diario.aw/categories/noticia/general/one-happy-island-lions-club-cu-sonrisa-di-pasco-pa-muchanan#sigProId3817a708f4
