ORANJESTAD (AAN): Esnan interesa den e workshop di pintamento, por acudi awe mes pa participa na dje.
Ateliers ‘89 Punto Di Beyas Arte Aruba ta presenta su workshopnan special pa habra aña 2025. E workshop di dibuho ta titula “E Liña Di Horizonte”, y lo ser duna pa e director artista maestro Ateliers '89, esta Elvis Lopez y 3D pa Romelinda Maldonado.
Asina aki bo ta mas cu cordialmente invita pa participa. E workshop specialnan aki lo ta pa un luna y mey largo. Pues ta cuminsa awe Dialuna 6 di Januari te cu Diahuebs 13 di Februari.
Nota si cu a cambia e style di duna les y awor ta tres bes pa siman y ta Dialuna, Diaranson y Diahuebs, for di 6:30 pa 9:30 pm na Ateliers '89, na Dominicanessenstaat 34 na Playa.
E workshop “E Liña di Horizonte” ta uno na cual tur hende por participa. Tur cu kier participa na e workshop aki ta mas cu welcom. Pa bin busca unda bo liña di horizonte ta cuminsa y unda e ta finalisa. Pa asina por acerca e dibuho contemporaneo di un otro perspectiva. For di un acercamento clasico te na experimentonan mas contemporaneo. Lo usa diferente tecnica y experimento cu houtskool, diferente potlood, waterverf y ecoline.
Lo elabora riba e pregunta di semper, esta kico ta contemporanidad y kico no. Con pa comunica y presenta bo obra y kico ta wordo perfila na publico cu bo kier alcansa. Ta pesey ta hopi importante pa na prome luga pa bo sinti bo mes bon cu nan na Ateliers '89 den su espacionan di trabao. Pa asina bo tin e posibilidad aki habri liber pa bo por crea bo mes un arte. Conpartiendo y creciendo den bo mes un entorno hunto cu e maestro y bo conpañeronan. Desde un principio a expresa nan mes gritando, cantando, actuando y dibuhando.
Pa participa bo mester tin 12 aña bay ariba, y por manda email ainda pa: This email address is being protected from spambots. You need JavaScript enabled to view it. of awenochi djis yega na tempo. Lo tin un costo pa participa, y un prijs special pa studiantenan. Bo tin di bay cu bo mesun material.
Pa resto di 2025, Ateliers ’89 lo tin programanan nobo cu les di 1 biaha pa siman, e.o. pa mucha y adulto mayor bao guia di artista visual Romelinda Maldonado. Tambe lo tin pop-up workshops pa temporada di Carnaval y mas.
