One Happy Island Lions Club a bishita Cas Paraiso

ORANJESTAD (AAN): Recientemente miembronan di One Happy Island Lions Club a bishita Cas pa nos grandinan,

Cas Paraiso na Catashi, Santa Cruz. Nos a worde acompaña pa Friends of Lions, Magaly, Eddy y Solange cu a yuda duna mayoria di e 30 grandinan un massage di man. Tambe algun a ricibi un corte de cabey for di voluntario y friends of Lions Señora Petra Garcia. Danki pa e apoyo brinda na nos club pero vooral na tur e habitantenan di Cas Paraiso.

   Tur habitante tambe a ricibi un caha di pasaboca, co’i bebe saludable y refrescante y un dushi postre di Jell-O.

   Grupo di baile Dabaruida a duna un tremendo show di baile y trece tur hende den dushi ambiente.

   Un danki mashi grandi na Aruba Aloe Balm cu a haci donacion di hand y body lotions pa tur habitante di Cas Paraiso. Un gesto masha aprecia door di nos grandinan.

   Danki na pueblo di Aruba cu ta bin ta cooperando na tur evento di recaudacion di fondo di nos club cu ta haci, cu nos por sigui duna servicio boluntario na nos comunidad.