Ombudsmannen di Reino cu un bishita oficial cerca Minister Xiomara Maduro

ORANJESTAD (AAN):  E siman aki a tuma lugar e encuentro anual di Ombudsmannen di Reino na Aruba.

E Ombudsman nobo di Aruba, sra. Jurima Bryson, tabata e anfitrion di e encuentro cu pa prome biaha a tuma lugar na Aruba. Un bishita cerca Vice Minister President Xiomara Maduro tambe tabata riba programa.

            Vice Minister President Xiomara Maduro a ricibi e Ombudsmannen den edificio di Cocolishi. Su Excelencia a felicita sra. Jurima Bryson y ta orguyoso cu pa prome biaha e encuentro di Ombudsmannen por a tuma lugar na Aruba. Durante e encuentro aki partidonan a delibera riba diferente tema.

Dia 14 di januari 2025 e Ombudsmannen di reino a tene un charla na Universidad di Aruba den un sala completamente yen. Ey por a nota cu e interes pa cu e Institution di Ombudsman na Aruba ta hopi grandi.

            Vice Minister President Maduro ta contento cu e desaroyonan andando pa por habri oficina di Ombudsman Aruba y lo desea di por wak cu oficina por habri su portanan mas lihe posibel.

            Oficina di Ombudsman Aruba kier informa cu nan lo mantene pueblo na altura di e ultimo desaroyonan y encuanto e apertura oficial di oficina.