ORANJESTAD (AAN): Diahuebs otro siman, lo tin e prome Debate Politico di 2021, cu ta wordo organiza pa Camara di Comercio.
E siman aki durante un conferencia di prensa teni na KvK, presidente di Camara di Comercio, Omar Tromp, a splica cu nan ta contento cu tur lider di Partidonan a confirma cu nan lo bay participa y asina ta interesa pa usa e plataform pa asina por papia di nan programa, pa contesta e preguntanan tambe.
Tromp a splica, cu e ta spera cu publico lo mira e Debate aki, pa asina mira ki ta e opcionnan politico riba mesa pa escogencia pa eleccion di 25 di Juni venidero.
E presidente di KvK a splica cu un Comision a wordo traha pa asina organiza esaki, y e persona na cabez ta Wanda Broeksema, y tambe tin Director Martijn Balkestein, hunto cu demas miembronan cu ta di staff y directiva di KvK, encarga pa setup e evento aki cu ta un trabao hopi grandi. Ta sigur cu e trabao lo bay ta uno bon haci, y tambe bon pa e anochi ey.
