Awe Huez Comisario ta dicidi si ta suspende detencion di Leoncita Arends

ORANJESTAD (AAN): Diahuebs DIARIO a haya informacion cu Ministerio Publico haci e peticion pa suspende e detencion di Leoncita Arends, ken a wordo deteni algun siman pasa como sospechoso den e caso Avestruz.

Awe diabierna, Huez Comisario lo atende e caso pa 3:30 pm y lo dicidi si ta laga Arends bay den libertad of si e mester keda den detencion. Tambe Huez Comisario lo dicidi riba detencion di Freddy E. y Franklin A.