ORANJESTAD (AAN) – Minister Presidente, Evelyn Wever-Croes, den conferencia di prensa semanal di gobierno, dialuna cu a pasa, a elabora riba e siman aki, cu ta siman di eleccion, y tambe a toca e tema: “Recuperacion Laboral”.
Prome Minister a expresa cu esaki ta un siman hopi crucial, pasobra e ta siman di eleccion 2021. Eleccionnan adelanta, pero unda ta bay elegi e gobierno nobo di Aruba, despues cu gabinete Wever-Croes a cay dia 20 di Maart, despues di cinco siman tabata tin entregamento di lista, y awo ta caba 12 siman mas leu, ya caba den siman di eleccion, e dignatario a bisa.
“Di akinan mi kier haci un invitacion na tur ciudadano di nos pais, pa haci uso di nan derecho di voto, e ta un derecho fundamental y sagrado cu bo tin, pa alomenos cada cuater aña eherce bo voto, pa abo bisa ki direccion bo kier pa bo pais bay. E ta e derecho mas importante cu bo tin, pa influencia e rumbo di bo pais. No keda sin haci uso di bo derecho di voto.
Mira si bo tin bo carchi di censo cu bo mester pa por bay vota cune, mira si bo documento di identidad tambe ta na ordo, passport, cedula of rijbewijs valido. Si e rijbewijs a wordo otorga e temponan aya na Santa Cruz, doble check si tur informacion riba dje ta corecto, pa bo por use. Y si bo no tin ningun ID valido y bo no a haya bo stemkaart, ainda bo por acudi na censo pa coregi esakinan pa prome cu Diabierna bo por ta cla.
Ohala, Diabierna, nos tur como un pais por celebra democracia, respetando opinion di otro y pa asina, hunto nos scoge nos siguiente gobierno”, Prome Minister a declara.
