Ocho studiante di Universidad di Utrecht cu estudio riba agricultura na Aruba

ORANJESTAD (AAN): Pa algun luna caba ta di bishita na Aruba un grupo di ocho studiante di Universidad di Utrecht.

E studiantenan aki a efectua varios estudio hunto cu Universidad di Aruba. E estudionan ta basa riba peticion di Departamento di Agricultura, Cria y Pesca Santa Rosa y logicamente cu ta Aruba su Sector Primario.

   Nan estudio mester relata kico por ta sugerencia y recomendacionnan riba e tereno aki.  Tema di e estudionan ta riba e tipo di suelo di Aruba. Innovacion den Agricultura pa Aruba. Cria di Bestia cual lo ta e mihor forma, manera pa por tin e tipo criansa y pakico. Tambe Aquacultura kico por ta e posiblidadnan.

   Studiantenan a duna nan presentacion na Departamento di Agricultura,Cria y Pesca Santa Rosa y tabata tin oportunidad pa haci pregunta y algun remarke riba nan presentacion y punto relevante di e temanan aki. E studiantenan kendenan a percura pa esaki ta Kaja Wilke y Enza Bouchired (Soil-Based Agriculture). Sophie Spoor y Katerina Kyriakidou (Innovative Agriculture), Inger Rodnes y Ilvie Versteeg (Animal Husbandry), Gabriela L. Valle y Plym Hesseling (Aquaculture). Hopi punto di importancia a bin dilanti y tabata tin oportunidad pa hasi pregunta.

​  Di parti Departamento di Agricultura Cria, y Pesca Santa Rosa ta felicita y gradici e studiantenan cu a haci un tremendo trabao riba e estudionan aki. Deseando nan hopi esxito den nan carera y pronto kisas lo por mira nan back na Aruba.