Obra Spirito a wordo aprecia den Cas di Cultura cu hopi elogio pa e actuacion y rescate di idioma Papiamento

ORANJESTAD (AAN):  Na Cas di Cultura a presenta exitosamente e obra 'Spirito' cua ta un obra clasico di 1881 skirbi pa Henrik Ibsen.  

        E version cu por a wak na Aruba a adapta pa director Hilda Hellwig y traduci na Papiamento door di Linguista Ramon Todd-Dandare.

            E obra a conta cu un elenco di actornan hopi reconoci den mundo di teatro na Aruba, esta: Faritah Luidens, Ferdinand Franca, Carlos Croes, Dimanche Gonzalez, Jhon Freddy Montoya y Tuesday Irwin.

            Prensa como hobennan di varios scol y adultonan mayor tabata tin oportunidad di wak e obra diahuebs mainta y mester bisa cu tabata uno di kita sombre. Ademas di resalta sigur e balor agrega cu ta un obra adapta na idioma Papiamento locual ta enfatisa e rescate di e idioma materno di hopi aki na Aruba.