Atelier's 89 cu apertura di exposicion 'It's Art Because I say so'

ORANJESTAD (AAN) – Atelier’s 89 Punto di Beyas Arte Aruba a haci apertura di su exposicion,

'It's Art Because I say so',  cu ta toca e temanan kico ta arte, kico no ta arte, kico ta traha arte di berdad  y kico no, y pa e ocasion aki a invita varios artista cu no ta haya reconocemento na Aruba, pa mustra cu Ateliers’89 ta un portal habri pa tur artista.

            Elvis Lopez a splica cu door di trece e artistanan den tayer di trabao, seis di nan a wordo invita pa participa den e exposicion aki cual ta hopi importante.

            Lopez a menciona cu e artistanan aki a wordo acerca door di e participantenan pa trece inspiracion y mustra cu tin hopi mas cos, cu ta arte na Aruba.

            El a subraya cu tin cosnan hopi importante cu ta tumando lugar aworaki na Atelier's 89, y hopi hende a presenta pa wak e exposicion aki, pasobra e ta algo apart y unico. E expo ta keda habri pa 3 siman largo di 2 or pa 6 or di atardi.