Obra ‘Coronando’ a ser entrega na biblioteca

ORANJESTAD (AAN): E conocido artista visual, Alida Martínez (Alida Martínez Soto, 1964),

a regala Biblioteca Nacional Aruba un obra titula ‘Coronando’. Esaki ta pa biblioteca su exposicion permanente y publico. Alida ta artista contemporaneo y e tin su Studio na Paradera. Alida ta conoci pa Mixed-media installations, scultura, collage, dibuho y cuadra. Alida a participa na hopi exposicion y tambe dos biaha na e Biennal di Havanna.

   Alida Martinez a funda ‘INSIGHT Foundation for the Arts’ na Aruba na 2006 y Alida ta Co-iniciador y presidente di e ‘Aruba Contemporary Caribbean Art Biennial 2011-12’. Den su arte Alida ta explora e.o. su identidad como artista y hende muhe, cultura, refleho riba situacionnan social den contexto Caribense.

   E obra ‘Coronando’ ta refleha situacion Geo-politico den Caribe y mundial. Alida ta expresa “Te na unda e ‘poder’   lo hiba nos un pueblo, nos isla, region di Caribe como tambe paisnan mundialmente. Y di ki manera esaki ta worde uza na bienestar di un pueblo y su economia.”

   Por lesa mas di Alida su carera den buki ‘Arte; beeldende kunst van de Nederlandse Antillen en Aruba, pagina 120, parti di biblioteca su coleccion.