Obispo Luis Antonio Secco a sorprende hubentud na Kapel di Alto Vista

ORANJESTAD (AAN): Siman pasa, Pastoral Hubenil Aruba hunto cu Parokia di Noord a cera luna di october cu resamento di Santo Rosario pa hobennan di varios parokia.

   E hobennan a resa e Misterio Doloroso cu hopi devocion na honor di Birgen di Santisimo Rosario, Birgen di Alto Vista, patrona di Aruba.

   Riba invitacion di pastoor Santiago di parokia Sta. Anna, nos obispo, Luis Antonio Secco, a celebra un bunita Santo Sacrificio di Misa canta pa Pastoral Hubenil Dakota. Esaki tabata un sorpresa pa tur e hobennan, cu a keda encanta cu presencia di Monseigneur riba e anochi special aki. Pastoral Hubenil Noord tambe tabata ‘On’.